Куп натпреварот од битолската Општинска Лига помеѓу фудбалскиот клуб Јени Маале од Битола и фудбалскиот клуб Новаци 2005 од с.Новаци, кој што се одигра на игралиштето во с.Горно Оризари, заврши со 0 : 1 за гостинската екипа Новаци 2005.

Уште во почетокот на првото полувреме се осети физичката надмоќ на третолигашот врз битолската екипа, но Јени Маале покажа ,,заби“ и не дозволи лесно да прими гол во нивната мрежа. По многубројни обиди за погодок преку центрирани топки од двете страни, одбраната на ,,Којотите“ попушти и за своја несреќа си постигна автогол, при блокирање на противничкиот удар со глава од напаѓачот на Новаци.

Второто полувреме поседот на топката во своите нозе го задржа гостинската екипа, но не успеа да му се закани со посериозна шанса за гол. ,,Којотите“ своите шанси ги чекаа стрпливо и ги добија, но не ги искористија преку нивниот напаѓач Васко Наумовски, кој се закани со удар со глава од корнер ситуација и ,,еден на еден“ ситуација од многу лош агол покрај гол аут линијата. Мора да ги пофалиме ,,гинималци“ се бореа машки и јуначки од физички поспремната и поквалитетна екипа.

На натпреварот за екипата на Јени Маале настапуваше на голот Александар Димовски. Во одбраната стопери Марјан Златевски, Христијан Ристевски и Антонио Бошевски. Десно крило Александар Митревски и лево крило Хајдин Мустафаи. Во средината последен играч за врска Боби Думевски, играчи за врска Владимир Крстевски и капитенот Никола Пискачев. Зад напаѓачите Андреј Лозановски и напаѓач Васко Наумовски.

Клупата ја сочинуваа одбранбените играчи Петар Ристевски, Пеце Василевски и Филип Жиров. Напаѓачите Миле Ташковски и Михајло Вангелов.